## THLATUN 20 LAWRKHAWM ## Good Friday Inserna nei a nih: Liemtah tarik 18 April, 2014 khan Kharghuli hmunah Kharghuli Cottage Service (KCS) hai chun ruoi meu the in Good Friday inserna an nei niin thu ei dawng. Hi huna hin Pu Joseph Lalsandam Varte, Ex-Chairman, KCS hai nupa khawmin Siliguri a inthawk an hung uop bawk a, member hai khawm an chungah an lawm hle. Speaker Rev. Lalchawlthang Thiek a inthawkin Good Friday thucha, “Ka Damna Kraws” ti ngaithlakna nei a nih a, 2014-2015 sunga dinga thuotu thlang thara um hai ta dingin tawngtai pekna a nei nghal bawk. Member fekhawm hai an hlimin, malsawmna khawm tam tak an dawng niin thu ei dawng sa bawk. ## Blanket Sawp: HSA Jt. Hqrs. Guwahati haiin thla mhasak laia fund raise thawna dinga Blanket an sawp kha an la sunzawm zinga. Kha hma a an la sawp zo lo hai kha tuta kar sung ngeia thaw zo ngei dingin thang an lak zing niin thu ei dawng. Mi tu el khawm blanket le thil dang dang khawm sawp ding nei ei la um ani chun a hnuoia contact number a hai hin iengtiklai khawm inhriettir thei zing a nih. 1.9954537526 (President) 2.8723898334 (Gen. Secy.) ## Hlawtlingna Chang: Ei member Nk. Vaninmawi Pakhumate chun Indhra Gandhi National Open University (IGNOU) hnuoiah MA(socialogy) 1st class ngatin a lo zo ve der el. A hlawtlingna ei lawmpui takzet a, hmabak peia khawm hlawtlingna tha tak hung chang nawk pei dingin ditsakna insangtak ei inhlan nghal bawk a nih. ## Good Friday puithu taka inser a nih: Tulai hin unau ICI Kohran hai khawma Biekin bawlin nasatakin hma an lak zawm pei a. Biekin la zo chie naw hai sien khawm, Good Friday khawm kha mani Biekin ngeiah ruoi meu the in an hmang niin thu dawng a nih a. Vawisun, Easter Sunday khawm hi ruoithe a la sunzawm pei an tum nia thu dawng a ni bawk. ## KTP Sport: Liemtah tarik 14-15 April, 2014 sung khan Noonmati Sector-3 ground ah KTP, GHCF huoihawtna hnuoiah Annual Sports nei a nih a. Nunghak Tlangval, Nupui Papui le Nuapang, mi thahnem tawk tak fekhawm a nih. Hi huna hin Group le individual hai ah inkhelna items chi hran hran buotsai a nih. Group palia inthe hai hin lawmman an lak kim deu phuor ni a hriet a nih a, individual a lawmman la le la lo hai khawm an lawm tlang seng nia chanchin dawng a ni bawk. Sports items a thang kher lo, field sira buoi em em a lo invir vel khawm mi thahnem tawk tak an um ni a hriet a ni bawk. Tuta tuma KTP Annual Sports chu member hai khawma response an pek tha bawk leiin, thalai sports ei nei ta hai lai chu a la hlawtling tak niin Sports Organizing Committee haia inthawkin thu ei dawng. Lawmman semna le lawmna programme khawm a telpuia hmangna nei la ning a tih. Organizing Committee haiin a hun ding le programme an hung siem hun hunah hmang el thei dingin phur takin lo tung nawk phawt ei tiu.
Posted on: Sun, 20 Apr 2014 11:30:01 +0000
Trending Topics
Recently Viewed Topics
© 2015