الطبيب: تنجّم تقلّي اليوم شنية في ليّام ؟ المجنون : اليوم السبت يا دكتور. الطبيب: و غدوة ؟ المجنون: غدوة السبت يا دكتور. الطبيب: و بعد غدوة ؟ المجنون: بعد غدوة السبت يا دكتور. الطبيب: يعني اليوم السبت و غدوة السبت وبعد غدوة السّبت ؟! إمّالا الأحد وقتاش يجي ؟ المجنون: الأحد يجي وقتلي نحسّو إلّي اليوم مُختلف على البارح ... وقتلي نحسّو إلّي الدّنيا اتقدّمت بينا خطوة... وقتلي نحسّو إلّي عدالة اليوم أكثر من عدالة البارح ... وقتلي نحسّو إلّي الظلم اليوم أقل ببرشة من ظلم البارح... وقتلي نحسّو إلّي أحنا لاقين بقعة في الدّنيا ... وقتلي نولّيو نخدمو كيفما خلق ربّي ... وقتلي أحنا البطّالة والزواولة نلقاو حظّنا في هالبلاد...وقتلي يولّي المسؤول يتحاسب و هو مازال مسؤول... وقتلي نحسّو إلّي أحنا اتقدمنا خطوة أو ترقينا عامين ... وقتها يجى الأحد يا يادكتور # ريفاج عبيدي
Posted on: Wed, 19 Jun 2013 00:34:11 +0000
Trending Topics
Recently Viewed Topics
© 2015