انا معنديش مشكله الحمد لله و الشكر لله . بس كان عندى كتير أوى مشاكل انا بعته احكى حكاياتى عشان البنات المكتئبه . انا كنت بنت مفيش فى حياتى اى مشاكل خالص. عيله غنيه و معروفه و جميله و مؤدبه و عمرى ما عملت لأهلى اى مشاكل حتى المدرسه كنت شاطره فيها لحد ما تجوزت و انا عندى ٢٢ سنه و كان عريس اى بنت تتمناه أمور و دكتور و من عيله اغنيا بس مش ولاد أصول و دى اول حاجه نفسى البنات تفهمها آه ممكن يكون غنى و دكتور بس واطى الفلوس و الشهاده مش بيربوا البنى آدم المهم اتجوزته بس مكنتش بحبه اولآ فى حاجه نسيت أقولها انا قريبه من ربنا جدآ بطريقه محدش يصدقها و بعرف الحاجة من قبل ما تحصل و لأنى عايشه حياتى على اقتناع تام ان ربنا اقرب حد ليا ده اقرب ليا من حبل الوريد و هو صاحب ملكوت كل شىء و عايشه على كده و فعلآ مفيش حاجه بدعى يسهل ربنا او بطلبها غير لما بيعملهالى الحمد لله المهم انا كنت قلبى مقبوض و فجأه قررت انى اسيبه و انا مخطوبة و قلت لمامتى انا لو اتجوزته متأكده انى هاطلق و هى ساعتها ضربتنى و كانت اول مره تعمل كده و أصرت اتجوزه و فعلآ اتجوزته و بعدين سنتين أطلقت من غير سبب غير انه قالى مفيش اتصال او توافق بنا و عمل فيا كل حاجه ممكن تتخيلوها كنت عايشه بره معاه لوحدى و كان بيضربنى و مش بيصرف عليا و اضطريت وقتها ان انزل اشتغل و انا معرفش حاجه فى البلد اللى كنا فيها و طول الوقت كنت بدعى ربنا ان هو اللى ييجى يطلب منى نطلق لأنى مش عايزه أشيل وزر خراب البيت و عمرى ما اشتكيت لأهلى لحد ما فعلآ فجأه قرر انه يطلقنى و سبحان الله كل الى دعيت بيه ربنا حصل طلقتى و محدش أتكلم عليا نص كلمه بالعكس الناس بقيت تقرب منى و انا اللى ببعد و كل أصحابه قاطعوه بسبب اللى عملوا معايا و اعز أصحابه بعد شهرين اتقدملى و انا اللى موافقتش لأن طبعآ ميصحش و كنت شايفاها حاجه غريبه و اشتغلت فى شركه كبيره بعد الطلاق بشهر و بدأت حياه جديده و كان عندى ٢٥ سنه اهم حاجه ان دايمآ كان عندى يقين ان ربنا يقدر يعملى اى حاجه لأنه صاحب مقاليد كل شىء مامتى نفسها كانت بتستغرب لما كنت بقولها هاشتغل فى شركة كذا تقولى انتى عندك واسطه ؟ تعرفى حد؟ أقولها لأ بس هاتشوفى و فعلآ و الناس فى الشركه كانوا بيحبونى جدآ و كنت بترقى بسرعه و كان بيتقدملى ناس كتير و ناس عمرها ما تجوزت او خطبت قبل كده وأنا اللى كنت بقول لأ و السبب برده اللى عايزه أقوله للبنات المطلقات خليكى واثقه فى نفسك و اهتمى بنفسك و شكلك و اللى يقولك اى كلمه كلميه بثقه و بكل ذوق و دين و قوليله انا يوم القيامه ربنا مش هيحاسبنى عشان انا مطلقه يبقى اسمحلك انت تحاسبنى ليه؟؟ و اسأليه قوليله الرسول عليه الصلاة و السلام أتجوز كام واحده؟ و كام واحده كانت مش متجوزه قبله من ال ٩ اللى اتجوزهم؟ و لما يرد هتعرفى انك هازأتيه بالأدب المهم انا دلوقتى متجوزه واحد مفيش زيه و بيحبنى الحمد لله و بقالى سنتين معاه و عندى الحمد لله ولد و جوزى ده ابن أصول و عمللى فرح فى احسن حته و شبكه و كل حاجه و أهله بيحبونى و يحترمونى . الثقه بالله و بنفسك و مالكيش دعوى باى كلام اهلك او أصحابك بيقولوه خليكى مع ربنا و خليكى طيبه و مسامحه مهما حصل فيكى مترديش الإساءه ادعى بس لربنا كلميه كأنك شايفاه و متأكده انه هيعملك كل حاجه ده اقرب ليكى من حبل الوريد عارفين يعنى ايه، و الله انا حتى لما بتزنق فى فلوس مش بطلب من حد غير من ربنا و ببيعتهالى . و الله بيبعتها و مش ببأه عارفه ازاى و مهما حكيت محدش هيصدق ربنا بيبعتلى اللى انا عايزه حتى لو فلوس ازاى بس المهم نيتك تكون كويسه وواثقه فى ربنا و هاتشوفى و على فكره أنا حتى مش محجبه بس الكلام مع ربنا او انك تكونى مستجابة الدعاء محتاج نيه سليمه أكتر من الحجاب ربنا يكرمكوا كلكو و ادعولى اتحجب
Posted on: Fri, 13 Sep 2013 02:58:36 +0000
Trending Topics
Recently Viewed Topics
© 2015