خلينا نتفق ان المخرج الوحيد اللى يرضى الضمير حاليا سياسى تفاوضى، كيف نحقق ذلك بدون وجود طرفين راغبين فى التفاوض!؟ الجيش بطبيعة الحال فى موقف قوة والكفة سوف تميل لصالحه فى اى عملية تفاوضية فى هذه المرحلة لانه ببساطة "الجيش" ومعاه تأييد شعبى رهيب حتى الان لأسباب كثير اوى اهمها ظهور السلاح عينى عينك فى معظم مدن مصر والعمليات الارهابية التى طالت الكنائس والمحاكم والاقسام. - (اسأل نفسك سؤال.. لو الجيش طلب من الناس النزول للميادين الاعداد هتبقى اد ايه!؟) - بس ده لا يمنع ان الجيش ممكن يرضخ للتفاوض لو وجدت مبادرة ترضى جموع الشعب ، لا تتعارض مع طلبات اللى نزلوا يوم 306 وما بعدها، ولا تتعارض مع طلبات الملايين اللى وقعت على استمارات تمرد، وتحقن الدماء، كده يبقى الجيش اتفرغت حجته من الاخر وعندها يبقى اتخلع عنه غطائه الشعبى فى اى "افترى" هيقوم بيه.. الاخوان ومؤيديهم حتى الان لم يقدموا ما يثبت انهم مصريين.. ينكرون ويقللون من قيمة ملايين المصريين اللى نزلوا يوم 30-6 وما بعدها - ثورة مش ثورة عدد الناس اللى نزلت هى المحك هنا حتى لو نزلوا خدوا "الصورة" وروحوا- ، رفضوا التفاوض وهم فى اضعف حالاتهم حقنا لدمائهم أولا ولدماء المصريين، نشروا كمية اشاعات رهيبة خلال شهر رمضان، حاولوا وفشلوا تفتيت وتقسيم الجيش، حملوا السلاح فى وجه المصريين واستخدموه فى مناسبات عديدة، وتورطوا فى تحالفات مع جماعات جهادية وجماعات متطرفة جعلتهم فى بؤرة واحدة معهم وبذلك اصبحوا المتهم الرئيسى لأى بلوى بتحصل فى البلد، الخلاصة نجحوا فيما فشل فيه مبارك واللى سبقوه وحولوا انفسهم بأنفسهم لفزاعة حقيقة للشعب وخسروا تعاطف المواطن العادى. دى قواعد اللعبة اللى احنا لابسينها حاليا للأسف ولن تتغير قريبا.. الجيش عارف تماما قدراته ايه ومدى التأييد اللى معاه وناجح فى الحفاظ على هذا التأييد بل بيزيد -وده راجع لغباء الاخوان- وهيستغله لأقصى مدى ممكن وسيستمر فى التعامل بأقصى حد ممكن من العنف (الحزم) سميه حسب ميولك لأنه دائما عنده الحجة، الدم ده هيزيد المسافات وهيصعب رأب الصدع وهيصنع الاف من الارهابيين وهنا يبقى الجماعة كتبت نهايتها بجد وسيصبح العنف (الحزم) مطلب شعبى فى التعامل معهم وده اللى الجيش ولاخوان بيجرونا اليه بسياساتهم الحالية وعلى فكرة ده السيناريو اللى الجيش بيفضله مش التفاوض . الاخوان رافضين تماما الاعتراف بوضعهم الجديد وسيستمر طوفان الدم حتى يعترفوا به.. الاخوان بيراهنوا حاليا على كروت عديدة محروقة زى التدخل الخارجى اللى هيزيد من تأييد الداخل للجيش فقط لأن ده خط أحمر عند كل مصرى.. وكارت التيار الثالث الكيوت اللى زعلان من الدم - مع ان الاخوان نفسهم لم يحاولوا بأى طريقة منع كل هذا الدم بل سعوا اليه ودعوا اليه فى دوائرهم عن طريق التجارة بحلم "الشهادة"- ببساطة التيار ده لن يقوم له قائمة ولن يقف فى وجه الجيش لأنه مش بيحلم بموضوع الشهادة ومش بيحارب من أجل البقاء ولأنه شايف عنف من الطرفين و شايف سلاح فى الاعتصامات والمسيرات "السلمية". اللى تطلع بيه من كل ده.. الجيش مش محتاج انه يتفاوض والاخوان لازم يتنازلوا ويتطلعوا بمبادرة ترضى المواطن العادى بدرجة تزعزع شعبية الجيش فى الشارع حاليا وتجبره على التفاوض. الكلام ده لازم يتم انهارده قبل بكره لأن فى نافذة ضيقة يا يلحقوها يا هيبقى الجيش نجح تماما فيما يريد وسيستخدم الشعب للقضاء على الاخوان تماما.
Posted on: Mon, 19 Aug 2013 12:40:21 +0000
Trending Topics
Recently Viewed Topics
© 2015