شعب فيه عجب العجاب: الإخوان: زعلانين ليه من واحد دلوقتى مش عايز ينزل معاكوا فى رابعه.. لأنه قال لكم قفوا بجانبنا فى محمد محمود وقلتوا له إنها مؤامره فلول لمنع إنتخاب مجلس الشعب؟! اللى مش إخوان: زعلانين ليه من إخوانى عنده استعداد يموت عشان النظام القديم ميرجعش...ده كان بيروح أمن الدوله كل شهر يدى تمام وانت بتجيب واسطه عشان ماتوقفش فى طابور؟! الإخوان: زعلانين ليه من واحد شايفكم بتتقتلوا وقلبه قاسى عليكم..الراجل قال دومه اتقبض عليه وست البنات اتسحلت..وكريستى اتقتل..وقلتوا له دول بيتأجروا عشان يعملوا المشاهد دى وايه وداها هناك ودول بلطجيه؟! اللى مش إخوان: زعلانين ليه من إخوانى إجتهد واشتغل بالعشرين سنه فى خدمه المجتمع لما يشوف انه يستحق الجنه وانه يحمل لواء الإسلام وأخيراً وصل لسده الحكم..ثم سُلب الحلم..فى حين ان ناس كتير كانت ولسه شايفه ان شفيق ممكن يكون راجل محترم؟! الإخوان: زعلانين ليه من واحد دمه اتحرق وهو بيشوف تكريم الجنزورى وتسميه محور المشير طنطاوى واستقبال رئاسى لساويرس وواحد جاتله زبحه صدريه من كتر المطالبه بتطهير الداخليه..فوجدكم تدافعون عنهم وتعذروهم وتشيدوا بأدائهم..دلوقتى مش فاهم إزاى بتطلبوا منه يساندكم ضد الشرطه والجيش والفلول؟! اللى مش إخوان: زعلانين ليه من إخوانى شايف ان كل من تكلم عن الديموقراطيه والحريه..ينبذه ولا يمانع فى إقصائه فى سبيل ان يعود لعمله وحياته ومسلسلاته..ويؤكد ان مصر الأصيله لا يجب ان يتواجد فيها مثله وهؤلاء لا يفرقون بين إخوانى وسلفى وصوفى وجهادى وغيرهم؟! نحن ندفع ثمن 60 عاماً من الجهل والإدعاء وضعف الكفاءه والشخصنه ولدت شعباً منهكاً..يبحث عن إحتياجاته الأوليه من هرم المتطلبات الإنسانيه: أمن - غذاء - جنس - سكن بكل طوائفه من إخوان او غيرهم!! مرااار وطااافح :(
Posted on: Sat, 06 Jul 2013 21:27:38 +0000
Trending Topics
Recently Viewed Topics
© 2015