عشان صحتك تهمنى , حاقول لك النهاردة , على شوية تنبيهات صحية مهمة جدا , عشان عيد الأضحى يمرّ عليك بصحة و سلام .. و كل عام و أنتم بخير .. بصفة عامة , حاول تحافظ على مواعيد أكلك المعتادة , عشان تحافظ على ثبات معدّل الحرق الداخلى فى الجسم , و ما يحصلش سمنة زائدة , بعد انقضاء أيام العيد .. و مش حاوصّيك على إنك تقوم من ع الأكل , من غير ما تكبس معدتك جامد , حتى لو كان الأكل شهى و لذيذ .. بجانب إنك المفروض تواظب على شرب الماء قبل الأكل و أثناءه , لكن بلاش بعد الأكل , .. و حاول تقلل كمية العصير اللى حتشربها , عشان السعرات الحرارية الموجودة فيه ممكن تكون زيادة عن حاجة جسمك .. , و عشان تحرق اللى حتاكله أثناء العيد , عوّد نفسك على القيام بأى نشاط بدنى (بس ما يكونش بعد الأكل علطول , عشان تعرف تهضم كويس) , حتى لو كان شوية مشى لمدة ساعة مثلا .. عشان احنا عارفين الإجازة ممكن تعمل إيه فى الواحد !! .. أما لو كنت مريض سكر , فلازم أفكّرك بإنك تخلّى علاجك (أو إنسولينك) معاك فى شنطتك أو قريب منك , ما تنساهوش لو اتعزمت أو سافرت ولا حاجة .. عشان دى حاجة مهمة جدا , و للأسف لما الروتين اليومى بيتكسر , ناس كتير بتغفل عنها .. بجانب إنك لازم تكون حريص فى أكلك - زى العادة يعنى - حتى لو كان الأكل شهى جدا , عشان ما يحصلش ارتفاع فى السكر أثناء العيد أو بعده .. أما لو كنت مريض قلب أو كلى أو ارتفاع فى الضغط , أو الكوليسترول , فنصيحتى ليك , هى إنك تتجنب الدسم فى الأكل قدر الإمكان , عشان تحافظ على أوعيتك الدموية سالكة و مرنة و سليمة .. و حاوصّيك تتجنب الملح و تشرب ماء كتييير , عشان تحافظ على أجهزة جسمك .. أما مريض قرحة المعدة , فحانصحك , بإنك تتجنب الوجبات الكبيرة , و تقسمها إلى وجبات صغيرة .. و بلاش ليك مشروبات غازية .. و ابعد عن الأكل اللى فيه بهارات كتير , أو مسبّك أو مقلى .. أو شطة طبعا !! .. انت مش ناقص ألم !! .. و ما تنساناش بدعوة حلوة النهاردة , لو كنت بتشوف البوست ده قبل المغرب من وقفة عرفات .. اتفقنا ؟؟ لو عجبتك المعلومات , اضغط شير .. و شاهد فكرة برنامجنا الجديد , على شاشة إحدى القنوات الفضائية youtu.be/FwcYhzijiOQ -.-.-.-.-.-.-.-.-.-.-.-.-.-.-.-.-.-.- صيدلى ؟ .. صيدلانية ؟؟ .. اشتركوا معنا (أو جددوا اشتراككم) فى أول تطبيق من نوعه على الفيسبوك .. تطبيق أنا صيدلى فاهم شغلى .. من هذا الرابط apps.khaterah/join/sp/reg.aspx
Posted on: Tue, 15 Oct 2013 00:52:30 +0000
Trending Topics
Recently Viewed Topics
© 2015