Ahmed Bo Shehab Ahmed Ghanim د.أحمد غانم بالعامية عن الوفد الأمريكي! عشان تحلل اللي بيحصل في مصر وموقف أمريكا وليه الوفد الأمريكي قال التصريحات دي لازم تعرف إن الوفد بيتفاوض مع 3 جهات مش مع جهتين لأن معسكر الانقلابيين فيه رؤيتين مختلفتين: 1- السيسي ومعسكر عسكرة الدولة. 2- البرادعي ومعسكر علمنة الدولة. 3- أنصار الشرعية. الموقف وصل لحارة سد بعد تمسك كل معسكر بشروطه كامله..يعني: -السيسي عاوز يبقي ريس ويقضى على التيار الإسلامي عبدالناصر ستايل.. -البرادعي مش عاوز كده لأنه عاوز دولة علمانية تظبط العسكر وتديلهم صلاحيات دستورية بس ما يحكموش وكمان عاوز تيار إسلامي بس ضعيف عشان يكمل اللوحة الديمقراطية للدولة العلمانية. -وأنصار الشرعية مش عاوزين غير رجوع مرسي وإنهاء أحلام المعسكر 1 و 2 طبعا وجود ال 3 معسكرات دول في الشارع معناه عدم استقرار سياسي وربما حرب أهلية لو الدم زاد..وخصوصا إن كل واحد مصلب رأيه وشايف أنه قوى وإن الشارع معاه ومش عاوز يتنازل... يبقى إيه الحل؟ الحل هو تطبيق نظرية الصدمة السياسية Political Shock and awe يعني عمل تصريحات صادمة تغير الوضع السياسي على الأرض وتجبر ال3 أطراف التعامل مع واقع جديد لأن الوضع السياسي الحالي غير قابل للحل تصريحات صادمة هدفها أيضا على المدى القصير محاولة تقسيم المعسكر 3 إلى معسكرين: 1-معسكر لازم مرسي و 2- معسكر: مش مهم مرسي بس العسكر يمشى.. عشان نوصل ل4 معسكرات مش 3 وده تغيير آخر للوضع السياسي. ماكين سياسي مخضرم ومحارب شهير وتفكيره السياسي له طابع عسكري ولهذا فتصريحاته هي مناورة سياسية واستطلاع حربي والتصريحات الحقيقية ستسمعها بعد انتهاء المفاوضات مع الأطراف. الموضوع لسه بيسخن..التقيل لسه ماجاش..
Posted on: Wed, 07 Aug 2013 01:50:49 +0000
Trending Topics
Recently Viewed Topics
© 2015