Ant. Dóminus regnávit * exsúltet terra. ‡ Psalmus 91. 96:1 Dóminus regnávit, exsúltet terra: * ‡ læténtur ínsulæ multæ. 96:2 Nubes, et calígo in circúitu eius: * iustítia, et iudícium corréctio sedis eius. 96:3 Ignis ante ípsum præcédet, * et inflammábit in circúitu inimícos eius. 96:4 Illuxérunt fúlgura eius orbi terræ: * vidit, et commóta est terra. 96:5 Montes, sicut cera fluxérunt a fácie Dómini: * a fácie Dómini omnis terra. 96:6 Annuntiavérunt cæli iustítiam eius: * et vidérunt omnes pópuli glóriam eius. 96:7 Confundántur omnes, qui adórant sculptília: * et qui gloriántur in simulácris suis. 96:8 Adoráte eum, omnes Ángeli eius: * audívit, et lætáta est Sion. 96:9 Et exsultavérunt fíliæ Iudæ, * propter iudícia tua, Dómine: 96:10 Quóniam tu Dóminus Altíssimus super omnem terram: * nimis exaltátus es super omnes deos. 96:11 Qui dilígitis Dóminum, odíte malum: * custódit Dóminus ánimas sanctórum suórum, de manu peccatóris liberábit eos. 96:12 Lux orta est iusto, * et rectis corde lætítia. 96:13 Lætámini, iusti, in Dómino: * et confitémini memóriæ sanctificatiónis eius. V. Glória Patri, et Fílio, * et Spirítui Sancto. R. Sicut erat in princípio, et nunc, et semper, * et in sǽcula sæculórum. Amen. Ant. Dóminus regnávit * exsúltet terra.
Posted on: Wed, 31 Jul 2013 12:48:41 +0000
Trending Topics
Recently Viewed Topics
© 2015