She cheated me in love – Pyar mein dhokha khaya Friends, aaj main aap sabko ek aisi love story sunanae ja raha hun jo aaj tak maine kisi ko nahin batai hai. Lekin ab main ise aur apne andar daba ke nahi rakh sakta. Ye dard, ye takleef ab is sad love story ke roop mein aap sab taka a hi jayega. Bat un dinon ki hai jab main naukari ke silsile mein pahli pahli bar Kolkata delhi gaya. Jaldi hi vahan kam karne vale sab logon se meri dosti ho gai. Ham sab aksar break mein sath hi chai vagaira peen eke liye jate. Ham sab vahan ek ad agency mein kam karte the. Mera job copy writer ka tha. Kuchh din beetne ke bad maine mahsoos kiya ki rupa, jo design ka job karti thi, aksar mere sath hi rahne lagi hai. Vo mere jokes par hansti, meri har bat ko dhyaan se sunti, hamesha discussion mein mera hi sath deti. Aksar maine dekha ki office mein bhi meri hi taraf dekhati rahti thi. Ab mujhe bhi usmein interest hone laga. Mauka milne par main uske pas jata aur kahta – chai peene chaloge? Vo turant haan kar deti aur ham sath hi chai peene jate. Dheere dheere ham aur bhi jyada vaqt sath bitane lage. Ab hamari dosti bahut gahri hone lagi thi. Fir ek din maine use kaha ki kya vo Sunday ko mere sath movie dekhne chalegi. Ab tak ham itne close ho chuke the ki main ye kahne ki himmat juta paya varna aaj tak main kabhi kisi girl ke sath movie nahin dekhane gaya tha akele. Meri khushi ka thikana nahi raha jab usne haan kahdi. Maine kaha ki kal sham ka show dekhate hain. Ham donon agle din theatre ke bahar mile aur hamne sath baith kar movie dekhi. Vo ek romantic movie thi aur maine dekha ki kai bar rupa ki najaren screen par na hokar meri ho jati thi. Ab mujhe laga ki shayad rupa mere sath pyar karne lagi hai. Hall ke bahar aa kar hamne ek auto kiya aur maine use uske ghar ke bahar drop kar diya. Ab to ye har Sunday ka silsila ho gaya. Ya to ham movie dekhte ya fir kisi park mein jate ya fir sath hi sath canaught place mein ghumte. Ham bahut sari batein karte. Aise hi ek din sham ko jab ham log ghum rahe the to achanak mere munh se nikal pada – Rupa, ek bat batao? Rupa ne kaha, kya? Puchho na? Maine kaha – sach sach batana. Rupa ne kaha – promise. To maine kaha ki main tumse bahut pyar karta hun, kyat um bhi mujhse pyar karti ho? Ye sun kar rupa muskura padi, boli – buddhu kahin ke! Pyar nahi hai to main aise hi tumhare sath ek sal se ghum rahi hun? Bas mere to jaise dil kop ankh lag gaye. Agle din main ek ring khareed kar le gaya aur socha ki office ke bad use ek restaurant mein le jakar dinner karaunga aur propose kar dunga. Main sare din ghadi ki aur dekhata raha ki kab 6 bajenge aur kab main rupa ko lekar jaunga. Lekin mere armanon pe bi9jli gir padi. Sham 4 baje mere boss ne sabko meeting room mein bulaya. Jab ham sab log meeting room mein gaye to mere boss ne kaha ki aaj vo sabko ek khush khabri sunane jar aha hai. Aur ye kah kar usne kaha, rupa, yahan aao. Rupa uthi aur uske pas ja kar khadi ho gayi. Vo badi khush lag rahi thi. Mere boss ne kaha ki usne rupa ke kam se khush ho kar use hamare section ka head bana diya hai. Uska promotion ho gaya hai aur 10 thousand ki increment bhi mili hai. Ham sab ne khush ho ke taliya bajayi. Main to bahut khush tha. Pyar ke andhe mujhe is bat ka koi dukh nahi hua ki meri lover meri senior ho gayi thi jaisa aur kai logon ko lag raha tha. Lekin meri khushi bas thodi der kit hi. Sham ko jab main office ke bahar rupa ka wait kar raha tha to maine dekha ki rupa mere boss ke sath hanste hanste bahar aayi. Usne mere boss ka hath pakad rakha tha. Meri aur dekhe bina hi vo mere boss ki car mein ja kar baith gayi jaise mujhe janti hi na ho. Ab meri samajh mein aaya ki rupa ko ye promotion kis liye mili thi! Agle din hi maine us company se resign kar diya. Mera dil toot gaya tha aura b main rupa jaisi dhokhebaj ladki ke sath kam nahi kar sakta tha. Friends, tab se main aaj tak kisi ladki ka belief nahi kar paya aur na hi koi girl fir meri dost ban saki. Doston, kya sabhi girl aisi hi hoti hai jo paise aur position ke liye apne pyar ko thukra deti hai?
Posted on: Wed, 28 Aug 2013 07:49:38 +0000
Trending Topics
Recently Viewed Topics
© 2015