love story of a boy for his sister and mother... Main jab tak apne bete ke liye toy lene store pahuncha,vahan bahut bheed ho chuki thi. Aakhir , kal Christmas day tha aur sabhi apne bachchon ke liye gifts khareed rahe the. Main office me der karne ke liye khud ko kos raha tha aur koi toy dekh raha tha jo mere son ko pasand aa jaye. Tabhi meri najar ek bachche par padi jo ek kone me ek sundar si doll ko hath me liya khada tha. Pas hi ek bahut hi budhi mahila khadi thi jo use kah rahi thi ki “beta tumhare pas itne paise nhi hai ki tum ise khareed sako.” “lekin dadi, mai to bhagwan se pray karke aaya tha ki mujhe itne paise de dena ki mai ye doll le saku”. Us bachche ki dadi use vahi wait karne ko kah kar baki saman ki billing karane chali gai. Mai us bachche ke pas gaya to maine puchha kya bat hai beta? Ye doll kiske liye? Mujhe ajeeb lag raha tha kyunki boys to doll se khlte nahi. Ye doll meri chhoti sister ke liye leni hai. Use ye bahut pasand thi. Ok, to vo kyun nhi aayi ye doll lene? Nhi vo nahin aa sakti. Vo bhagwan ke pas chali gai hai aur mere papa kah rhe the ki mom bhi vahin jane vali hain. Main isiliye ye doll lena chahta hun ki jab mom bhagwan ke pas jayen to ye doll meri chhoti sister ko de de. Use ye doll bahut pasand thi. Mera dil us bachche ke apni sister ke pyar ko dekh kar ankh bhar aaya. Maine kaha – chalo, ek bar fir ginte hain. Shayad tumhare pas itne paise hon jisse tumharee sister ke liye ye doll aa jaye.Aur is bar maine uske paise ginte hue apne pas se kuchh rupaye mila diye. Bachcha to khushi se uchhal pada. Ab mai ye doll bhi le paunga aur mom ke liye ek pink rose bhi. Meri mom ko rose bahut pasand hain. Thank You God! Mujhe pata tha ki tum meri prayer jaroor sunoge. Maine apne bachche ke liye ek toy khareeda aur dil me santosh aur ek dard bhari khushi le kar vahan se laut aaya. Agle din meri najar akhbaar me ek khabar par padi. Usme likha tha ki kuchh din pahle ek road accident me ek speeding car ne ek chhoti si ladki aur uski mom ko kuchal diya tha. Ladki to on the spot hi mar gai lekin uski mom hospital me ICU me thi jiska bachna bahut mushkil tha. Mujhe laga ki kahin ye usi bachche ki mom aur sister to nhi the. Aur agle din hi akhbaar me us mom ke marne ki bhi khabar aai. Maine socha main uske antim rites ke liye jaroor jaunga. Main jab vahan gaya to maine dekha ki kafan ke upar ek pink rose aur us bachche aur uski sister ki photo rakhi thi. Us bachche ke pyaar ko dekh kar meri aankhein ek bar fir bhar aai. Friends, pyar yani love ka matlab sirf boy aur girl ke beech ka romantic pyar nhi hota. jindagi ke har rishte aur har age me pyar hota hai. bat sirf itni hai ki ham is pyar ko pahchane aur iski kadr karein. —
Posted on: Sun, 30 Jun 2013 07:59:40 +0000
Trending Topics
Recently Viewed Topics
© 2015