تعليقا علي موضوع #اضراب_طب_عين_شمس الذي تم تعليقه : اولا : مش معني أي مناقشة لقرار الاتحاد هو طعن فيه أو تقليل من جهوده أو انتقاد لأفراده لأن كلنا عارفين هما تعبوا أد إيه ونالهم أذي أد إيه وفي بعض الناس اللي كانت ضد الإضراب من الأول بتستغل أي تعليق علي قرار الاتحاد دلوقتي علي إنه توجيه تهمة للاتحاد وبالتالي نبعد عن الهدف الأصلي وهو : ( نعمل إيه لزمايلنا المعتقلين ) فرجاء كفاية مزايدة علي موضوع الاتحاد الموضوع الأساسي هو هنعمل ايه لزمايلنا المعتقلين مش ذم الاتحاد أو مدحه ! ثانيا : القرار ده خلانا نرجع لنقطة الصفر .. يعني ولا عملنا وقفة تضامنية للإفراج عنهم عشان خايفين ولا عملنا إضراب عشان خايفين برده ومستنيين جهود الإدارة إنها تحل الموضوع طب لو هي عايزة تحل الموضوع كانت حلته من الأول ! لو نيتها فعلا الدفاع عن الطلبة دول كانت عملت كده من الأول إزاي أصدق كلامهم خاصة إن في تجارب سابقة ( هبعتها إن شاء الله لحد من الاتحاد ) تؤكد عدم وفائهم بوعودهم !! ثالثا : لو إحنا معملناش إضراب عن امتحان ب 25 درجة .. متوقعين ساعة امتحان الجراحة لما الامتحان يبقي ب 100 درجة الناس هتوافق علي الإضراب !! يعني مقدرناش علي السهل هنقدر علي الصعب ! رابعا : نجاح الإضراب كان هيفيد المعتقلين من جامعات تانية لأن الفكرة كانت هتتعمم وده كان هيساهم في خروج ناس كتير مظلومة وده كان يبقي في ميزان حسنات كل حد شارك في الإضراب والعكس .. التراجع عن الإضراب هيحبط ناس كتير من اللي كانت ناوية تاخد خطوة إيجابية للوقوف جنب زمايلها من الكليات والجامعات التانية خامسا : تهدئة الوضع وعدم اتخاذ أي إجراء من هنا لحد الامتحان حتي لو وقفة تضامنية مع زمايلنا هيخلي القضية تبرد والناس تنسي واي تحرك بعدها هيبقي ضعيف ومش هيلاقي تجاوب كبير ودي سياسة متبعة تاريخيا في إخماد الثورات علي الظلم عموما أخيرا : سكوتك علي الظلم وإيثارك السلامة انهردة .. هيخلي الظلم ده يطولك في يوم من الأيام وساعتها مش هتلاقي حد يقف جنبك عشان الناس هتكون اتعودت انها تشوف الظلم وتسكت .. لأنها خايفة ! ( إن أحسنتم أحسنتم لأنفسكم .. وإن أسأتم فلها ) ( وما كان ربك نسيا ) Salma M.gouda Arwa Hazem ElHamalawy Ghadeer Abdelhafez Dalia M. Tawfeek Mariam Aabed Esraa Muhammed Mariam Faramawy Salma Mostafa Marwa Hosni Bedair MoNa GaBr
Posted on: Mon, 02 Sep 2013 03:36:10 +0000