5 sundalo, 11 BIFM namatay Sunday, July 7, 2013 COTABATO CITY -- Lima ka sundalo samtang onse ka mga sakop sa Bangsamoro Islamic Freedom Movement (BIFM) ang namatay sa nagpadayon nga katag-katag nga engkwentro sa probinsiya sa Maguindanao ug North Cotabato. Gibutyag ni 6th Infantry Division Spokesman Colonel Dickson Hermoso nga unang giatake sa BIFM ang posisyon sa 2nd Mechanized Infantry Light Armor Battalion sa Philippine Army alas 10:40 sa buntag niadtong Sabado didto sa Sitio Dam, Barangay Damablas, Datu Piang, Maguindanao. Gisundan kini alas 11:00 sa buntag dihang nagka-engkwentro sab ang mga sakop sa 45th Infantry Battalion sa Philippine Army ug BIFM sa Barangay Dasawao, Shariff Saydona Mustapha, Maguindanao. Laing engkwentro natigayon sab alas 11:10 sa buntag didto sa Sitio Mapagkaya, Barangay Paidu Polangi, Pikit, North Cotabato. Gisulong sab BIFM ang posisyon sa mga sundalo sa Barangay Kambingi ug Crossing Salvo alas 7:40 sa gabii. Libuan na ka pamilya ang nanghiklin karon sa Maguindanao ug North Cotabato sa adlaw ug gabii nga sinukliay og mga bala sa duha ka pundok. Sa maong engkwentro, moabot na sa lima ang napatay sa militar apan nagdumili ang 6th ID pagpagawas sa pangalan sa mga biktima. Giingon nga 11 sab ka mga sakop sa BIFM ang namatay samtang daghan sab ang naangol. Gipangandaman na karon sa militar ang paglusad og air to ground assault batok sa BIFM nga nangatake gumikan kay supak sila sa posibleng paglagda og konkretong kasabutan sa gobyerno ug Moro Islamic Liberation Front.
Posted on: Sun, 07 Jul 2013 14:15:23 +0000
Trending Topics
Recently Viewed Topics
© 2015