"Ağ Yol"dan mükəmməl bir yazı... Vətəndaş nəzarətinə və qınağına ciddi ehtiyac var! Bakıda tıxac problemi var. Düzdür körpülər və yollar tikilir, yeni işıqforlar qoyulur. Tıxac problemi ilə təkcə aidiyyətli qurumlar məşğul olmalı deyillər. Burada şəxsi avtomobil sahiblərinin də böyük məsuliyyəti var. Avropanın bütün böyük şəhərlərində ölçüləri kiçik, motorunun gücü az olan minik maşınlarına üstünlük verilir. Çünki, ölçüləri kiçik avtomobil tıxaclarda daha çevik olur. Bakıda isə vəziyyət tamamilə ayrı cürdür. Minik avtomobili nə qədər böyükdürsə, onun mühərriki nə qədər güclüdürsə, onun sahibi daha çox “hörmətə” malikdir. Belə avtomobillər tıxacların yaranmasına böyük stimul verirlər. Belə minik maşınlarının biri 20-25 normal avtomobildən daha çox havanı çirkləndirir. Belə çıxır ki, çəkisi cəmi 70-80 kg olan sürücü hər hansı bir işi görmək naminə çəkisi 3-4 ton olan “nəhəng” maşını şəhərin küçələri ilə şütüdür. Özündən razı və qaydalara əməl etməyən sürücülər var. Hər kəs nizamla gözləyən zaman, onlar qarşı yola çıxaraq bəzən saatlarla tıxac yaranmasına səbəb olurlar. Artıq Bakı sakinlərinin əsəbləri tarıma çəkilib. Hətta, cənab Prezident də qaydalara məhəl qoymayan sürücüləri qınayıb. Amma, görünür daha ciddi cəza metodları işə salınmalıdır. Vətəndaş nəzarətinə və qınağına ciddi ehtiyac var!
Posted on: Wed, 31 Jul 2013 07:02:11 +0000
Trending Topics
Recently Viewed Topics
© 2015