DAWRPUI MULTIPURPOSE CENTRE LO CHHUAH DAN LEH TUN LAI A DINHMUN TLANGPUI Kum 2006 vel khan Aizawl Civil Hospital bula staff quarters chhungkua 60 awmna te chu a sak a that tawh loh avangin thiat a sak that a chhungkua 75 lai awmna tur ruahhman a ni a. (DPR by Aegis International & Associates for Rs.54.62 crores, March 2006). Hei hi Dawrpui khawtlang te chuan khawpui tawt tawh tak hmun laili taka heng High Rise Building pakua(9) lai lo ding leh tur hi tha a ti lova. Thunei tute hnenah pawh a theih anga titi pui thin ani a, an bengkhawn teh chiam lo. Heng high rise building aiah Aizawl Civil Hospital-in a hman tangkai theih tho tur te chu hemi hmunah hian heng te hi awm thei se tia rawtna kan siam te chu : 1. Green Park, damlo te leh damlo awmpui tute vah harh na tur. 2. Open space, Accident liantham te a awma mipui punkhawmna tur. Hman loh lai chuan veng thalai te insawizawina hmun, volleyball, basketball te practice theihna tur. 3. Multipurpose Centre, mithi khual khua thawn chhuahna tur, ruang sawngbawlna hmun, hun lo awm zel turah pheih chuan ruang dah vawtna/vawnthatna hmun, motor dahna hmun. Conference Centre (tuna Civil Hospital ward chunga Conference Centre pahnih (2) awm te hi ward ah hmang tangkai a, he Conference Centre hi a hman tangkai theih hle ang) Chenna tur Quarters chu Hospital ram tlak lam Isolation Ward awm na thin lam 5320 sq m. lai ram awl awmna ah hian a dah theih thova ( Multipurpose ram hi 3811.12 sq m. ani). Hemi ruahhmanna ti puitling tur hian veng mipui ten theitawpin tan an la a, ram hruaitu te pawh vawi duai lo an hmu thin a. Kum 2008 khan sorkar a lo inthlak a, sorkar thar chuan kan ruahhmanna te hi tha min tih pui a, tha kan tih ang ngei in din turin a ram pawh Dawrpui Local Council kutah a hlan ta a (vide Land Lease no. 209 of 2013. ) Hemi ram chhunga hian vengin rangva in Multipurpose Centre chu a khawr ve a. Tangkai takin he hmun hi Mizoram mipui ten kan hmang mek a, Hall mawl te leh ruang thawnchhuahna hmun te a siam chu a rak hle. CYMA in kuang 40 a rawn dah pawh thla thum chhunga hman zawh vek a ni. A zawl zau lai te chu mi ten min phuhchhiat anga Basket Ball court-a hmang ta lo chuan hospital bus te leh Hospital-a thawhtute leh a mamawhte tan motor a thlawna an dah theihna turin a la ti ta reng ani. Dawrpui khawtlang hmalakna hi mi thenkhat, he quarters-a an awma hlawkna tam tak chan tura inngai ten nasa takin an dodal a, media lamah te Dawrpui khawtlang chu nasa takin min puhchhia a. Hospital nek chep ta lutuk leh Hospital tih changtlungna ti thuanawm ta viau ah te min puh che hle thin. Dawrpui mipui te chuan heng puhna te hi chhang ve ngai lovin Zoram mipui tana tha kan tih ber chu kan kal pui mawp mawp mai a. Dawrpui Multipurpose Centre-ah hian UD&PA Minister in a project pakhat Multilevel Parking, Community Centre and Office Spaces at Aizawl North, Rs. 12.9826 a sak tur chu rawn dah a tum a, he project lungphum hi Mizoram mipui ten tangkai taka an hman theih nan Home Minister Pu R.Lalzirlianan a September ni 13, 2013 khan a phum a. Mi thenkhat ten Dawrpui veng hmalakna hi hrethiam duh lo lui in PIL Guwahati High Court ah thehlut in Guwahati High Court chuan he thu kal lai awm anih avang hian 4.10.2013 khan he hmun hi Status Quo a awm turin a lo tita a ni. 28.10.2014 khan hearing neih a ni a, tunah hian judgement nghah mek a ni. Health Minister –in Aizawl Civil Hospital tih changtlung nana a sum neih sa 5 crores in Dawrpui Multipurpose hmun zawl zau tha laiah hian Multi level parking leh Trauma Unit din a duh a, Dawrpui Veng te min rawn a, Dawrpui veng hruaitu te chuan phal takin he Trauma Centre hi dah an remti a. Mahse court order a awm avangin UD & PA project leh Health Department project chu tan theih a ni lo. Sorkar chuan ni 18.6.2014 khan Aijal Club-ah Pi Vanramchhuangin a duh angin mi thenkhat, he PIL pawh hnukdawk duhse sorkar in suma a tih lungawi anilo tih hriatpui tur a duh te hming a pek te nen sawihona a siama. Court-a PIL thehluh chu heng mipui te mamawh em em project tan thei turin a PIL hi hnuk dawk tura ngen a ni. Mahse mi thenkat mamawh ber chenna tur quarters hi ruahmnna dang a duh thusam a awm hma loh chuan he PIL hi hnudawh rih mai rem ala ti lo ani. High Court chuan ni 22.8.2014 khan a thutlukna chu ti chhuakin Mizoram Chief Secretary in committee siama hemi ram hi Dawrpui khawtlang duhdan leh Civil Hospital mamawh ngaithtuah chung in thlahnih chhunga he thu hi chingfel turin a hlan let leh a. Chief Secretary chuan Committee form nghal in a hmunah te enin ni 21.10.2014 ah final decision a siam ta a. Dawrpui Multipurpose Centre ram hi a then a, a zawl lai chu Directorate of Health Services hnenah a hlan let a, ram ri ah kawng meter 6 siam nise a ti bawk. He thu tlukna hi duhtawk lovin PIL thehlut tute hian High Court ah ‘Chief Secretary hian Contempt of Court a commit’ ani tiin ni 18.11.2014 khan High Court ah an zualko leh a. Mahse Judge in ‘Contempt of Court’ a hmuh loh avangin a lo ngaihtuah sak duh lova. Hemi thu tho hi ni 24.11.2014 khan PIL thubuai ngaihtuah tu judge ngei ah hian thlen leh a ni a. Ani pawhin engmah ‘Contempt of Court’ a hmuh loh thu a lo hrilh leh a, a ngaihtuah sak duh ta lo leh ta a ni. He thu hi key dang in December khan High Court ah theh lut in Civil Hospital in Trauma Centre sak an tumna leh Multipurpose Centre siam tumna hi “stay” turin an ngen leh a. High Court chuan Senior lawyer te an hman avangin Senior Laywer hmai zahna vang hrim hrim in he case hi a lo ngaihtuah sak leh hram a, “Stay Oder” te hi chu pek chi a angai tawh lo ani.
Posted on: Tue, 13 Jan 2015 10:03:36 +0000
Trending Topics
Recently Viewed Topics
© 2015