Lwennas Matub. Sγur : YEḤYA YANES. Yal zzman yesεa irgazen Di ccan n umezruy rnan Zerεen si yal d asirem Γas akken γef wakal yerγan Si zik illan yimcumen Si zik illan wid yelhan Tagrawla tbedd gar-asen S at Ṛebbi lxiṛ yettwaḍman. (1) * * * * * * * * * * * * * * * * * Ssu-yas sbuḥru-yas A mlaεyun Iεebba anezgum aṭas Siwa win t-isrun. * * * * * * * * * * * * * * * * Tawrirt a t-in γer yuzzel Bu cceṛ mi akken t-yegguni Deg yirebbi-m mi akken yeẓẓel Ḥeznen lemluk deg yigenni Ḥeznen lemluk deg yigenni Amek ur ḥeznen d lbaṭel S kra n win illan d aḥeqqi Twejd-as temḍelt inṭel. * * * * * * * * * * * * * * * * Ğeṛğeṛ a win si issawel Bu txida-s deg-k i t-yuṛğa Deg yirebbi-k mi akken yeẓẓel Imeγban ḥeznen meṛṛa Imeγban ḥeznen meṛṛa Amek ur ḥeznen d lmuḥal S kra n win irfeden tirugza Deggren-t sanda ur d-ittuγal. * * * * * * * * * * * * * * * * Lezzayer a tin i ḥemmel Aεdaw-im deg-m it-yeγdeṛ Deg yirebbi-m mi akken yeẓẓel Ḥeznen leḍyur d laεwanseṛ Ḥeznen leḍyur d laεwanseṛ Amek ur ḥeznen a tamurt S kra n win i kem-ibnan yenṭer Mi nγan argaz n tefsut. * * * * * * * * * * * * * Uqbel a k-yeddem wakal Ddmeγ awal-ik inu Cegεeγ itbir iḍal Leḥlu ma yeqqel d asennan Cceṛ iγleb-it lxiṛ Yensa urgaz idder ufennan Lebda a t-id-nettfekkiṛ Lwennas ẓẓel di ṛṛeḥma D abrid n yizerfan akk i netbeε. (2) YAHIA YANES. (Enseignant, poète et écrivain) (1) Ce poème est déjà publié avec mon introduction dans la revue Tiziri n° 44 de l’association culturelle n’Imazighen de Belgique. Sous le titre d’un ouvrage en préparation au grand poète et chanteur Matoub Lounes ‘’ Le Cardinal de la Chanson Berbère.’’ (Tome 1) (2) Vous trouverez ce poème dans mon ouvrage: ‘’ Tijmilin ‘’ (Hommages) (Recueils de poèmes Kabyles de l’auteur)
Posted on: Sat, 29 Jun 2013 22:01:03 +0000
Trending Topics
Recently Viewed Topics
© 2015