ROBERT ROMAWIA ROYTE (Independent Candidate supported by UDF) MP-a in Candidate chhan: Pathian khawngaihna zarah hna a lo thawh ve tawhna leh thawh mek atangte hian State Annual Plan piah lamah State tana hmasawnna hnathawhna tur sum hi Union Budget-ah hian a tam tih hrechiangtu a ni. Tun dinhmuna kan ramin leiba kan ngah tawh zia te han ngaihtuah hian kan kal dan phung panngai ringawt hi chuan hmasawnna liantham kan nei thei dawn lo mai ni lovin kan bat belh zel dawn a ni. Mizoramin Union Budget atanga ram hmasawnna lian tham taka a kalpui theihna tur hian tih ve theih neiin a inhria a. Chu chona hmachhawna bei tur chuan Mizoram aiawh a Independent MP nih hi a kawng hnai ber ni a a hriat avangin tun tum MP inthlanna hi a chuh ve dawn ta a ni. India ram politics thlirin NDA kaihhruai sawrkar beiseina (chance) a sang hle a, chutih mek laiin Mizoramah Congress sawrkar a ding bawk si a. Independent MP nihna hmanga dawh zawm chu remchang hle turah a ngai a ni. Pathian leh Mizoram mipuite zara hnathawk thei tura MP-a thlantlin a nih chuan a theihna zawng zawng senga Mizoram hmasawnna tur bei turin a inpeih a, a hun kal tawhah pawh a lo tih thin angin tih takzetin a bei leh ngei ang. A NGAIH PAWIMAWH TURTE: · Khawvel Zofate zawng zawng insuihkhawmna kawng zawnga inhre pawh tawn leh inlainat tawn zel tura hmalak. · State Annual Plan pawn lam Union Budget leh Funding Agencies dang atanga Mizoram hmasawnna tur dap chhuah. · Mizoram sawrkar sum dinhmun siamthatna kawnga tan laka a tul anga sawrkar dinglai tawiawma finchhuah. · Kawng hrang hranga Kut hnathawktute hamthatna awm thei ang ang dap chhuah pui tura a tul dan anga hma lak. · Kohhran, NGOs leh Associations/Firms hrang hrangte thawhpuia ram leh hnam hmasawnna a tana thawhho. · Upa leh Hmeichhiate hamthatna hrang hrang dapchhuahpuia an hmasawnna tur kawng zawn pui. · Mizoram chhunga hnam tlem zawkte dikna chanvo humhalh saka an hmasawnna tura tan lak. · Kawng hrang hranga Thalaite hmasawnna tur atana tan laka Mizoram hi khawvel zau zawkte hriata pho chhuak tura beih. · Mumal zawka Sports discipline hrang hrangte chawisan leh Sports leh Music zirna changtlung zawk nei tura tan lak. · Mizoramin CSS hrang hrang a chhawr leh zual theih nan leh hemi hnuaia thawktute dinhmun siamfelna kawnga tan lak. MIPUITE HNENA NGENNA LEH KHAWNGAIH DILNA Pu Robert Romawia Royte, Independent Candidate chuan a hnuai a mi ang hian mipuite hnenah ngenna a siam: To All Voters, Mizoram. Chibai vek ule, Mizoram mipui aiawh turin Lok Sabha MP ka chuh ve dawn ta reng mai a. Mizoram mipui zawng zawngte min lo khawngaiha in vote hlu tak min pe turin ka ngenin in khawngaihna ka dil a. Ka symbol chu Gas Cylinder a ni e. (ROBERT ROMAWIA ROYTE)
Posted on: Tue, 25 Mar 2014 10:37:43 +0000
Trending Topics
Recently Viewed Topics
© 2015