Wake up call to all churches in the Philippines Simbahan may kasalanan din sa pork scam Naniniwala si Catholic Bishops’ Conference of the Philippines (CBCP) incoming president at Lingayen-Dagupan Archbishop Socrates Villegas na may kasalanan din ang Simbahang Katolika sa nabunyag na pork barrel scam dahil sa kabiguang magabayan ng tama ang mga deboto nito lalo pa’t isang Kristiyanong bansa ang Pilipinas. “We have slide down to just ‘maintaining’ the Church, keeping the schedule, continuing the ‘order’ of the day. This cannot continue. We cannot be swivel chair pastors. We must get out to the barangays and public schools, visit the charity wards of hospitals, teach catechism again, visit homes again -- make a ‘mess’ in society,” ayon kay Villegas, sa isang pastoral letter. Dahil dito, nanawagan din si Villegas sa mga kapwa niya pari na suriin ang kanilang konsensya bilang Simbahan, akuin ang responsibilidad sa kanilang kabiguan, at gumawa muli ng panibagong hakbang para maibalik ang moralidad sa pampubliko at pribadong buhay na mahalagang bahagi ng misyon ng Simbahan. Nagpahayag rin ng kalungkutan si Villegas sa katotohanan na marami umano sa mga alagad ng Simbahan ay naging pastor ng status quo o mga nasa kapangyarihan at may impluwensya. Dahil dito, dapat umanong samantalahin ng mga alagad ng Simbahan ang galit ng mga deboto sa katiwalian para pangunahan ang reporma sa Simbahan. (Juliet de Loza-Cudia)
Posted on: Sat, 31 Aug 2013 23:24:14 +0000