طيب...خلينا نناقش كل حاجة بالعقل....و إلي عنده أي ملاحظات يقولها و نحاول نشوف حنوصل لفين بس بحقائق مش ظنون ولا كلام قديم... الفيديو دة من تليفزيون mbc و فيه شهادة ...يا ريت تسمعه و خد بالك من الحاجات دي...و برد حق الرد و الاضافة بأي شهادة مكفول..طالما بحقائق: 1. طبقاً لرواية الجيش دة هجوم إرهابي...و كمان الكلام ذخيرة جامدة جداً .مفيش إلا واحد في الفيديو دة بين ليه إصابة لا في وش ولا جسم..و واحد اصابات متفرقة...و الخرطوش يعني مفيش أي اصابات قوية لا في وجه ولا جسم علوي كلو شاش و اصابات طفيفة تتنافى مع إدعاء هجوم شرس دة . 2. ثانية :28 بيقول زخيرة حية في الراس و فيه وفيات..لم نرى أية واحد مصاب في راسه أو اصابات خاطره من سلاح ألي و هناك وفاه وحدة بس و على حد علمي لم يعلن عن هوية المصاب 3. الدقيقة 1:06 الكمرة بتورينة بدلة العميد....واضح الاصابات القوية فيها و الدماء...بس كل اصابته هو في الرجل مش في الجسم!!!!!!!! خلي بالك برد هو بيقول انهم فوجئوا بالضرب في الصبح...حتنفعنا دي في حاجة جاية 4. الدقيقة 1:30 المجند بيقول..ضرب علينا نار ردينا عليهم بقنابل مسيلة للدموع......يعقل ناس بتضرب نار و ألي و إرهاب و الجيش يرد بقنابل مسيلة للدموع؟؟؟؟ إلي إضرب بقنابل مسيلة يكون فيه كم الخسائر البشرية دي و إلي ضرب عليه ألي و رصاص يكون الخساير بتاعته خدوش؟؟؟؟ 5. الدقيقة 1:48 بيقولك فوجئنا "امبارح بليل " خلي بالك فيه مصيبتين هنا امبارح يعني يوم تاني خالص لا يمكن يكون فيه لبس و بليل و الضرب حصل في الفجر أو صباحاً ذي ما تفضل الظابط سابقاً (#3) 6. الدقيقةء 2:30 فجاءة إقتحمو السلك ...يعني إقرار إن فيه سلك شائك مش طلع على السور زي رواية الجيش إن 4 حاولو يتسلق السور 7. الدقيقة 3:15 واحد طلع مضروب في رأسه بس مش من خرطوش ولا رصاص لأ...دة من طوبة و هو لبس الخوذة و بعد كدة بدأو يضرب نار و رصاص...يعني جماعة ارهابية رايحة تحتل دار الحرس الجمهوري حتضربه الاول بالطوب و بعد كدة تبتدي تضرب نار...!!11 يا مثبت العقل يا رب 8. الدقيقة 3:45 بالظبط صورة لمجندين ...شفوا يا جماعة علشان نعرف بس الفرق شوف حجم الاصابات و خطورتها و حجم اصابات الناس دي....يعني أنا لو شفت الصورة دي من غير حاجة ممكن أقول دول عندهم كشف صحي مش حرب و مولوتوف و رصاص و ألي و..و... 9. الدقيقة 3:52 حتى بس بعترف دي فذلكة مني .. الرجل فلاح عايز يقول البلد مشية على حس العسكر فتنبه فقال على حس القوات المسلحة ...أهمية الفذلكة دي إيه؟؟ أن من المؤكد هناك توعية معمولة للمجندين دول على إلي يقوله طيب أنا طلعت من الفيديو دة باحساس عام إن فيه حاجة غلط في شهادة الشهود دول ....سبب اني بقول كدة إن إحساس اننا اتفقنا لزم حقائق
Posted on: Mon, 08 Jul 2013 14:35:59 +0000
Trending Topics
Recently Viewed Topics
© 2015