من أغرب وأعجب البوستات اللي قرأتها عن مصر!!! اللي مضايقني ان واحد مصري اللي كاتبها!!!! ..... عاوز تعرف حجمك الحقيقي في العالم؟ مصر مش أم الدنيا, مصر مجرد بلد فاشل من العالم التالت كل شهرتها حاليا انها جنب اسرائيل و انه كان فيها ناس متحضرة بتبني مسلات و تماثيل من 7000 سنة مصر شعبها مش أعظم شعب, 40% منهم جهلة رسميا و نص المتعلمين منهم جهلة بشهادات تعليمية, و نص الشعب عاوز يرجع يطبق قوانين العصور الوسطي تاني مصر مافيهاش تعايش, و لا شغل الوحدة الوطنية, لا المسلم طايق المسيحي و لا المسيحي طايق المسلم و هما الاتنين مش طايقين حد تالت جنبهم (ملحد, يهودي, بهائي...) مصر مش مهد الحضارة, مصر من ضمن 20 دولة في العالم معتبرين ان العلمانية و العلمنة (وسيلة التحضر) شئ عيب, و معتبرين ان واحدة ست تمشي بفانلة حمالات و شورت سبب كافي انها يتم التحرش بيها أو تغتصب أو يحصل لها أسوأ الأمور مصر ما علمتش العالم و لا حاجة, التعليم الإبتدائي في مصر أسوأ تعليم في العالم و الإعدادي و الثانوي زيهم, و التطوير عندنا بينحصر في انك تشيل ستة ابتدائي و ترجع الثانوية سنتين أو العكس مش أكتر, و مفيش جامعة مصرية من أفضل 50 جامعة و لا 100 جامعة, و لا 200 ولا حتي 300 و لا 400 و يوم ما البلية تلعب بنبقي في آخر 50 في اول 500, و الأشخاص الكويسين أكاديميا اللي فيها مشيوا خلاص, و الكويس اللي فاضل بيفكر يمشي المصريين مش معروفين لا بقوتهم ولا بجبروتهم, مايكل فيليبس و يوسان بولت جابوا ميداليات في الاولمبياد أكتر من كل بطولات المصريين في كل الرياضات, و مفيش رياضة مميزين فيها, و فيه رياضات منعرفهاش أصلا المصريين لا شعب كريم و لا مضياف, نص السوريين اللي جم يلجأوا لمصر مشيوا بسبب التضييق عليهم, و كل العراقيين اللي جم قبل كده عانوا نفس المشكلة, الأفارقة بيتشتموا علنا في الشارع لأنهم سود, و الأسيويين مجرد قصيرين و تجار شنطة, و الفلبينيين مجرد خدامين, و الاوروبيين بيتعاملوا كأنهم كائنات فضائية سهل النصب عليها و التحرش بيها, و كلهم بيتشتموا لو معرفناش نطردهم المصريين دمهم مش خفيف, سخرية المصريين من كوارثهم إسمها تبلد مش كوميديا, و انتا مش متفوق في صناعة الكوميديا ولا صناعة السينما عموما, و لا أي صناعة أصلا المصريين لا حيوية و لا عزم و لا همة, نص المصريين معندهمش إرادة للتغيير, و النص التاني بيبرر الفشل و ضياع الإرادة ده بمؤامرة يا علي دينه أو علي وطنه بالتالي, كون حزنك الشديد سببه إن مصر ما طلعتش كاس العالم,و مش سببه كل اللي فات ده, فده سبب كفيل يخليني سعيد جدا انك عايش في الخراء ده فوق بقي, انتا ولا شئ في مسيرة الحضارة, و هتفضل طول عمرك كده لو كل اللي فوق ده سبب ما يستدعيش حزنك أكتر من حزن الخروج من كاس العالم قولوا اللي تقولوه, و دافعوا عن اللي انتوا عاوزينه, دي الحقيقة اللي انكاركم أو اعترافكم مش هيغير منها شئ, فعلك هو اللي هيغير
Posted on: Wed, 16 Oct 2013 15:37:21 +0000
Trending Topics
Recently Viewed Topics
© 2015