SAPELE/DELTA STATE MUST BETTER. 20/11/2014. SEPLAT WA DOOO. Unu say unu Company dey recognize the importance to seeking and to integrate with local communities and also to maintain good community relations with the host communities for the areas wey unu dey operates. As part of unu measure of unu commitment to host communities, unu Company enter into GMOU with the communities for Edo State (where OML 4 dey) and also for Delta State Sapele in particular (for where OML 38 and 41 dey). This GMOU so nai provide the framework within which the Company and the host communities suppose work together to encourage sustainable community development, for example,unu suppose to dey encourage the use of community labour and to improve essential infrastructure, such as health centres, schools and water projects. Make i nor deviate. Under dis GMOU, the community wey unu dey suppose get community development committee (‘‘CDC’’) wey also suppose made up of representatives from each of the host communities wey unu for they operate. The CDC nai go dey responsible to dey coordinate the implementation of the development programmes. This CDC and the Company suppose set up trust fund account wey development projects suppose dey get money from. The Company also suppose dey set aside money to the Account per annum to be disbursed by the Company for any such projects. Under this GMOU, SEPLAT dey allocates funds for community projects on a bi-annual basis and for Sapele case na only MR MOSES OGODO the Sapele Community Chairman nai dey sidon chop all the project money,also dis money na base on levels of production and time without incidents of vandalism or sabotage to any of the pipeline. In addition the GMOU na to promote cordial relationship between the Company and the local communities base on securing mutual benefits to achieve certain objectives, and specifically na to promote sustainable development, peaceful coexistence and security,make unu dey listen oh. Under this GMOU, the local community go cum sign undertaken to provide peaceful environment to enable the Company and its employees, contractors, subcontractors and agents to work freely and dem also suppose get access to the Company’s facilities free from any disturbance, interruption, threat, violence or invasions. SEPLAT’s Community Relations and Corporate Affairs Departments nai dey drive the formulation and implementation of all deir various CSR policies and activities. This departments nai suppose dey hold regular meetings with various stakeholder groups, to strengthen relationships with them,also na dis body dey listen to their mutual concerns and nai dey find ways to address them. The Company also suppose produce CSR report card every end of every financial year for public notice, wey suppose show details of all the Company’s social responsibility programmes, initiatives and impacts for the communities wey the Company sidon dey suck oil. Dis na very important component of the Company’s oversight functions. But today i open my mouth shout from Amukpe Roundabout say Seplat dey oppress Sapele and Amukpe people knowingly. In view of all dis many talks,make e nor be like say the Company nor dey try,dem cum organize one of dis meetings for Event Galleria some days back to hear the complains of host Communities. SEPLAT GM, Base manager, Hse Manager, DPR representative, dey the ground. Also all the host and impacted communities get representatives. SEPLAT cum commend the communities for coperating with their operations,due to say the Companies need peace to operate very well. During the question and answer section, most of the community representative complain for the low level of employment by SEPLAT and SEPLAT cum dey twist the questions before dem cum partially agree to improve. Them share T-shirt, Face cap, and food for all wey attend the programme. Also dem give out transport allowance to each of the representative for each community. To tell unu say Seplat know wetin dem dey do,dem nor gree show the chat wey show community workers wey the Company employ and them cum dey promise to show am next time. Now my stand for this article be say,Sapele people dey very peaceful and we don play our cards well,as we nor dey disturb the Company in any way,but why e be say the Company nor gree play deir own version or side of the GMOU. If we look all the places for this Sapele wey dem for dey collect deir Products,we go find out say the places get bad Roads,No Light,No Health Care. Zero Education and others. Also we go also see say the Company dey employ outsiders and dey ignore the Community graduates and the few workers wey dem employ from the Communities e.g Sapele don dey work Labourer work for long and the Company refuse to Staff and promote them. Just last week here some Amukpe and Okirigwre women and youths carry placards protest go Seplat flow Station wen dey Shell Road, say seplat nor gree employ indigines. To my surprise Seplat abadone our women for outside deir gates for Hours without say dem address the people. Seplat unu dey find Sapele youths trouble,becos dis Oil wey unu dey collect from our land,go definately make our land nor fertile and if we nor fit gain from the Oil then we be the biggest fool for the World. I put am to unu say,if unu nor employ the Youths,we go sue the Company to Court becos we dey play our portion well but unu dey take our simplicity for granted. If our Elders wey dey represent us nor fit fight for our rights,den we go helep ourselves becos Enough is Enough. Na the failure of the Companies to employ youths nai dey encourage crimes for our Communities and i dare to sue Seplat soonest for marginalization. I Remain The Otota1 Of Sapele. The Urhukpe1 Of Okpe Kingdom. The Asamaigor1 Of Itsekiri Kingdom. The Eagle Eyes Of Delta State. God Bless Sapele. MY PEOPLE ATIK I DEY ON TRACK AND UNU DEY MY BACK? Seplat nor be only eye care be Social Responsibility. SAPELE/DELTA STATE MUST BETTER.
Posted on: Thu, 20 Nov 2014 07:45:02 +0000
Trending Topics
Recently Viewed Topics
© 2015