وجهة نظرى اللى ترضى ضميرى هقولها للتوضيح و رزقى على الله ! حصل تجنى على الشرعية ؟ طبعا حصل تجنى حتى الموت !! بس تعالوا بقى نفصص الشرعية دى حتة حتة.. ثورة بدأت بالاخوان (أصحاب الشرعية) بيفتحوا السجون عن طريق التخابر مع دول اجنبية و بيهربوا منها.. لأ و كمتن يهرب معاهم ما لذ و طاب من بلطجية و مجرمين و ارهابيين ! دة غير الكلام اللى اتقال (بس مثبتش) انهم هما المسؤلين عن القناصة و موقعة الجمل ! شرعى الكلام دة ؟ خارطة طريق و مسار (شرعى) و انتخابات وراها استفتاءات كلها قائمة على الحشد الدينى... (الحلال و الحرام.. غزوة الصناديق.. الرئيس اللى هايدخلنا الجنة.. توزيع فلوس و أكل على المنتخببن الغلابة و استغلال فقرهم)... شرعى الكلام دة ؟ رئيس ضعيف (كل رؤساء الدول مهما كان حجمها متجنبينه بل محتقرينه).. قرارات متخبطة.. حكم مرشد (فاكرين فيديو تلقين بديع لمرسى (القناصة).. زيادة الفساد.. اهمال السياحة.. الكلام عن الصكوك... شرعى الكلام دة ؟ الغاء الدستور (الشرعى).. اسقاط القضاء و ترهيبه.. ضعف الشرطة.. تخوين و اسقاط الأزهر.. محاصرة الاعلام و مدينة الانتاج.. خروج كل من هب و دب من مدعين الدين و من كان لهم تاريخ ارهابى مؤكد لترويع الشعب و تكفيره... شرعى الكلام دة ؟ و أخيرا انقلاب شعبى (تام) بثورة أقوى من ثورة يناير "بمساندة الجيش" و جميع الدول و الرؤساء الآخرين (بما فيهم أمريكا و قطر.. من كانوا حلفاء النظام).. و أيضا بمساندة الاعلام الذى يعكس توجه و رؤية الجماهير ! و بمناسبة الاعلام الفاسد.. كم من مليونية سابقة لم تلقى قبول شعبى و لم تكمل بضعة آلاف حتى.. اذا مش الاعلام هو المحرك الرئيسى كما تدعون !! و مع ذلك مصرين تسموه انقلاب عسكرى لاثارة القتن و تحريض اتباعكم على القتل و الخراب حتى آخر قطرة دم مصرية !!!! هذه شهادتى التى تريح ضميرى امام الله أفيقوا و أغيثونا و أغيثوا هذا الوطن و هذا الشعب الطيب الغلبان يرحمكم الله ! بلاش ترديد لأى فكرة تتصدر اليكم دون الاحتكام لعقولكم و ضمايركم !!! الاهم اهدينا جميعا و سدد خطانا و نور بصرنا و بصيرتنا و ألف بين قلوبنا و تقبل منا صالح نوايانا. و ستظلى دائما... لكى الله يا مصر.
Posted on: Thu, 04 Jul 2013 08:27:19 +0000
Trending Topics
Recently Viewed Topics
© 2015