Vawinah HEalth Sunday & Hospital Sunday hmang dawn Milalai Dt.01.07.13 (Pathianni) : Vawiin hi Hospital Sunday & Health Sunday a ni a. Hospital Sunday hi kum 1928 aang khan hman an a ni a. Kum 1929 Assembly Rorel No.20-na chuan Hmar chan pumpui hian Mission Damdawiin Chawlhni atan kan Lal Isua thih champhaphak chawlhni hi kumtin kham hin ila. Damdawiin anpuinan chuan theih ang zawngin kohhran tinin thawhlawm siam ila, damdawiin pawimawhziate sawiin mite awngai sak tur a ni ang, tiin a rel a ni. Hun a kal zel a, kum 1980 Synod inkhawmpui rorel Gen.No.2-na angin kum 1981 atangin July Pathianni hmasaberah Damdawiin Pathianni hman an a ni ta a, kum 1928 aanga chhutin Damdawiin Pathianni hi kum 84 lai kan lo hmang ta a ni. Hemi ni a thawhlawm hi tumhma chuan thil bik atana hman hin a ni a, tunah erawh chuan damlo rethei pual (Charity Fund) atan dah a ni ta a ni. Health Sunday tih hi a hma a Phar Pathianni(Leprosy Sunday) ti a hman hin kha a ni a, kum 1985 Synod thu angin 1988 aang khan January Pathianni hnuhnung berah hman hin a ni a. Kum 2004 Synod Inkhawmpui chuan Phar pual chauh ni lovin natna dangte pawh huam in ‘Health Sunday’ tiin a thlak ta a. Kum 2004 Synod-a rel thluk ni tawh si, kum 2006 -a hman an chauh chu a inkar a hla kan ti deuh mai thei e. Mahse, Synod Inkhawmpui hi December thlaa hman a ni hin a. Kum 2004 Synod Inkhawmpui pawh hi December thlaa hman a nih avangin kum 2005-a hman tur Nilai zan bu leh a chhunga Kohhran ni pawimawhte pawh peihfel a ni tawh a. Chutiang taka chawpchilh chu a nih tawh avangin ruahmanna awm tawh sa angin Phar Pathianni tiha hman leh rih a ni a. Kum 2006 atang erawh chuan phar hri veite chauh ni lovin natna chi hrang hrang veite pawh huam kim turin ‘Health Sunday’ tia vuah a lo ni ta zawk a ni. SEC chuan he ni pawimawh bika zir turin Presbyterian Hospital Board-in thupui lo thlang thin se a ti a. Chutianga thupui thlanchhuah chu Khawvel Sunday School Ni a zir tur (booklet) kan siam ang hian siam hin ni se, a ziaktu tur pawh lo ruat nghal hin se’ a ti a. Hemi nia thawhlawmte chu Kohhran tinin an mahni kohhran huamchhunga mi harsate chhawmdawl nan hman tur a ni. Kum 2006 kha Health Sunday kan hman hmasa ber a ni a; hemi kum hian thupui-ah ‘Malaria’ hman a ni a. Kum 2007-ah Cancer chungchang zirho a ni leh a, kum 2008-ah HIV/AIDS chanchin zir lehin kum 2009-ah Zuk leh Hmuam zirho a ni. Kum 2010 khan Mimal hriselna tih zirho a ni leh a, 2011 khan Hrisel nan ei leh in tih zirho a ni a, nikum (2012) khan Mit enkawl dan tih zirho a leh a ni a, kumin (2013) hian Hriselna leh Thianghlimna tih zirho a ni dawn a ni. Thupui hi Pathianni zana zir hin tura ngaih a ni. Tihdam rawngbawlna hi a tir atangin kan Kohhran rawngbawlna pawimawh tak a ni a. Chuvangin, Hospital Pathianni(Hospital Sunday) hi kum tam tak, Synod thu angin July Pathianni hmasaberah hman hin a ni a. Kum 2008 Synod-in, ‘Health Sunday leh Hospital Sunday hi Pathianni vawi khatah hman nise’ ti a a rel angin kum 2010 atang khan Health Sunday leh Hospital Sunday hi a rualin ni khatah kan hmang ta a ni. Hospital Sunday leh Health Sunday a hran ve ve a kan hman hin kha nikhatah kan hman tak avangin Chawhnu inkhawm hi Health Sunday pual a hun hman tur a ni a, thupui atan ‘ Hriselna leh Thianghlimna’Thufingte 3:5-10; 1 Korinth 3:16,17 tih a ni ang. Zanlamah Hospital Sunday puala hun hman leh a ni ang a, thilpek lak khawm a ni bawk ang. Thilpek chu Synod Hospital pual a ni ang a, Bial Treasurer kaltlangin Synod Office-ah theh luh tur a ni.thupui tur chu ‘Damna kim Isua’ Marka 1:32-34 tih a ni ang.
Posted on: Sun, 07 Jul 2013 05:50:53 +0000
Trending Topics
Recently Viewed Topics
© 2015